КОЈА БИЛА МИХРИМА СУЛТАН, НЕКОГАШНАТА „ГОСПОДАРКА“ НА ГЕВГЕЛИЈА?
Пред извесно време направивме интервју со историчарот и теолог Ердоган Шабановски. Тој, цитирајки дел од својата магистерска тема за Гевгелија, ни откри дека ќерката на Сулејман Величенствениот и Хурем Султан, Михрима Султан, била Вакуфнаме на населеното место Гевгелија.
Вакуфнама или вакфија се документи за оставината на некое добро наменето за верски, образовни, здравствени, социјални, сообраќајни и хуманитарни цели. Секое такво добро се нарекува вакаф, и неговиот основач е вакиф (благајник).
За раниот период од Османлиското владеење, ни кажа тогаш Шабановски, има многу малку документи за Гевгелија. Во документ од 1733 година Гевгелија се споменува како вакуфнаме на Михримах Султан која била ќерка на познатиот Османлиски Султан, Султан Сулејман Величенствениот родена од Султан Хурем.
Сулејман Величествениот бил фасциниран од Хурем Султан, која била девојка од неговиот харем. Таа потекнувала од Русија, поточно од денешна Украина. Се претпоставува дека нејзиното име било Анастасија или Александра Лисовска. Според некои западни дипломати, кои слушнале гласини во палатата за неа, тие ја нарекле „Рокселана“, што укажува на нејзиното руско потекло. Како ќерка на православен свештеник, таа била киднапирана од Татарите и продадена како роб во Цариград, а подоцна се искачила на самиот врв на харемот за да стане омилена на Сулејман.
Рокселана му роди на Сулејман пет сина и една ќерка: Мехмед (1521), Михрима (1522), Абдулах, Селим, Бајазит (помеѓу 1523 и 1526) и Џихангир (1531)
Михримах беше саканата ќерка на Султанот Сулејман Величествениот и единствена сестра на неговите пет сина од неговата сакана Хурем Султан. Таа всушност имала сестра Тасасас Разије Султан која починала на рана возраст.
Нејзиното име, Михримах – понекогаш напишано „Михрума“ – на „Фарси“ значи „сонце и месечина“.
Постојните писма напишани од Михримах Султан укажуваат на тоа дека таа била добро образована и дисциплинирана. Таа била софистицирана, елоквентна и добро начитана.
Како и сите принцези на Империјата, откако таа ја достигнала возраста за брак, била избрана компатибилна личност со светла иднина за единствената ќерка на султанот: Рустем Паша, гувернер на Дијарбакир. Нивната гламурозна венчавка се одржала во 1539 година.
Михримах Султан не била претставник на конвенционалната убавина. Наместо тоа, нејзиниот шарм лежел во нејзината извонредна интелигенција и добра природа. Набргу по нејзината венчавка, таа добила состојба налик на ревматоид и поголемиот дел од животот го поминала справувајќи се со болеста.
Михримах Султан била многу сакана од нејзиниот татко кој ги ценел нејзините мислења. По смртта на нејзината мајка во 1558 година, таа станала советник на Султанот. Дејствувала во својство на „Валиде Султан“ (Мајка кралица). Во текот на својот живот, таа имала збор за многу државни работи.
Каква мајка, таква ќерка, Михрима стана позната по својата побожност и добронамерност. Иако беше најбогатата жена на векот, често позајмувала пари од ризницата и своето богатство го трошела на добротворни цели и добри дела. Сиромашните луѓе на кои таа им помагаше, ги сочинуваа мнозинството од оние кои ја жалеа нејзината смрт. Поправката на „Ајн Зубајда“, изворот во Мака, формирање фондација за снабдување на ковано железо на морнарицата беа меѓу придонесите на Михримах Султан кон Империјата
Бесплатно преземање е дозволено со задолжително цитирање на медиумот и хиперлинк до оригиналната содржина на tvnova12.mk.
За сите споделени фотографии (графики), ТВ Нова 12 има екслузивно право да ги користи или истите се превземени од социјалните медиуми, запазувајки го кодексот на "фер употреба" - корисни за општеството (ТВ НОВА 12 има за цел да информира и известува и употребата на фотографиите (графиките) е исклучливо за некомерцијални цели).
Доколку, материјата на фотографиите (графиките): навредува, нарушува углед, или негативно отсликува состојба, или не е запазено авторското право Ве молиме контактирајте не, за да соодветно реагираме!
