ДОЈРАНСКА ВЕЧЕР НА ТУРИСТИЧКИОТ САЕМ ВО БЕЛГРАД

Во рамките на 43 тото издание на Меѓународниот саем за туризам во Белград, Србија, на својот штанд, општина Дојран ги промовира своите туристички потенцијали тргнувајки од сместувачките капацитети но и сите свои убавини што ги има за одмор и релаксација. Голем број оператори но и посетители на саемот во Белград се интересираа за туристичката понуда на Дојран која изобилува со разновидните содржини и стана една од посакуваните дестинации на Балканот.

 

Голем број гости уживаа во специјалитетите од риба од Дојранското езеро а се интересираа и за сместувачките капацитети но и за останатите културно историски локалитети за посета при евентуален престој во Дојран. Дојранската вечер се организираше благодарение на соработката со ресторан Калдрма, хотел Романтик и ресторан Фук так сите од Дорјан кои ги презентираа своите капацитети но и специјалитети кои се препознатливи насекаде .