ДЕНЕС Е СВЕТСКИ ДЕН НА СПИЕЊЕТО
КОГА ИМАТЕ ЗДРАВ СОН, СЕ ЧУВСТВУВАТЕ ЗДРАВИ И СРЕЌНИ
Светскиот ден на спиењето се слави секоја година пред пролетната рамноденица и оваа година тој паѓа на 19 март.
Овој необичен ден се слави од 2008 година со цел да се укаже на важноста на спиењето од аспектите на медицината, образованието, социјалниот живот и безбедно возење.
Кога сонот е здрав, здравјето и среќата изобилуваат.
Бројни студии покажаа дека лицата кои имаат подобар квалитет на сон изгледаат попривлечно, поубаво и помладо.
Различни стимуланси како што се кафе, енергетски пијалоци, будилници, светла, вклучително и оние од разни електрични уреди, го попречуваат деноноќниот ритам или природниот циклус на спиење. Процентот на луѓе со чести нарушувања на спиењето кои доцнат на работа или настани или прават грешки на работа е 46.
На овој начин, Светскиот сојуз на медицина за спиење сака да ги намали проблемите со спиењето преку подобра превенција и третман на нарушувања на спиењето. Нарушувањата на спиењето, како што се поспаност и несоница, се глобална епидемија што се заканува на здравјето и квалитетот на животот, велат експертите.
Спиењето е важен фактор за благосостојбата на човекот и има директно влијание врз менталното, физичкото и емоционалното здравје и на возрасните и на децата. Сонот е потреба и привилегија, но често е загрозен поради навиките на современиот живот.
