ЧАЈОТ ОД ЛИСЈА ОД СМОКВИ РЕШАВА 10 ЗДРАВСТВЕНИ ПРОБЛЕМИ

Смоквата е препознатлив гевгелиски бренд, но и овошје чиј плод е многу здрав. Свежите смокви се богати со хранливи материи и релативно нискокалорични, што ги прави одлична состојка во здравата исхрана.

Една свежа смоква содржи 30 калории, 8 грама јаглени хидрати и 1 грам влакна. Смоквите се богати со минерали како што се бакар, магнезиум, калиум, како и витамини Б1, Б2, Б6 и витамин К

Но не треба да заборавиме дека и листот од ова овошје, исто така може да има многу придобивки за вашето здравје . Листовите од смокви може да се користат за правење чај, кој многумина го нарекуваат еликсир на животот бидејќи е богат со антиоксиданси и растителни влакна, а содржи витамини А, Б1 и Б2 како минерали калциум, железо, манган, фосфор, калиум и натриум.

Особено ако имате проблеми со бронхитис, дијабетес, висок крвен притисок или чир на желудник, направете го овој едноставен и моќен пијалок. Чајот од лисја од смокви помага да се намали високиот крвен притисок и нивото на триглицериди во крвта, со што се обезбедува дополнителна заштита на срцето и крвните садови.

Десет причини зошто треба да пиете чај од лисја од смокви

– го регулира нивото на шеќер во крвта

– го стабилизира крвниот притисок

– ги намалува триглицеридите

– ги зајакнува коските

– помага при заболувања на кожата

– помага при анемија

– ги ублажува болките од чир на желудникот

– спречува запек

– го зајакнува здравјето на срцето и крвните садови

– помага при афти