БОЈАНА ТАНОВА, ТРЕНЕР :
НАЈМЛАДИТЕ „ПЕТЛИЊА“ НА ФК „КОЖУФ“ СЕ ИДНИНАТА НА ГЕВГЕЛИСКИОТ ФУДБАЛ
Бојана Танова, лиценциран УЕФА тренер, во моментот, како тренер на ФК „Кожуф“ своето знаење го пренесува на 50-та млади фудбалери на гевгелискиот тим, односно децата родени 2013 и 2014 година.
Преку целата година, ни кажа Танова, тие вредно тренираат на Градскиот стадион во Гевгелија, а од неодамна се на заслужен одмор. Овие млади фудбалери се натпреваруваа во ФФМ Детската фудбалска Лига 2022, Источен регион, која оваа сезона се играше во скратен формат.
Тие ги одмеруваа силите со своите врсници од екипите на Плачковица, Академија Пандев, Беласица, Џокер Фурка, Победа Валандово и Дојранско езеро.
Од овие деца, изјави Бојана Танова не барам толку резултат, туку се стремам кај нив да ги развивам спортскиот карактер, здравите навики за спортување и формирање на личности кои во животот ќе ќекорат по правиот пат. Јас, вели Танова, сум го поминала тој пат и затоа посакувам и овие генерации да продолжат по патеките на спортувањето, затоа што, само преку спортот може да имаме здрава општествена иднина.
На крајот, изјави Танова, сакам да им порачам и на децата и на нивните родители дека само со редовен тренинг и посветеност на фудбалот, сите заедно ќе дојдеме до посаканиот успех.
Бесплатно преземање е дозволено со задолжително цитирање на медиумот и хиперлинк до оригиналната содржина на tvnova12.mk.
За сите споделени фотографии (графики), ТВ Нова 12 има екслузивно право да ги користи или истите се превземени од социјалните медиуми, запазувајки го кодексот на "фер употреба" - корисни за општеството (ТВ НОВА 12 има за цел да информира и известува и употребата на фотографиите (графиките) е исклучливо за некомерцијални цели).
Доколку, материјата на фотографиите (графиките): навредува, нарушува углед, или негативно отсликува состојба, или не е запазено авторското право Ве молиме контактирајте не, за да соодветно реагираме!
