23-ГОДИШНИНА НА ОХРИДСКИОТ РАМКОВЕН ДОГОВОР-ВРЕМЕ НА ТРЕЗВЕНО ПРЕИСПИТУВАЊЕ

Во Скопје, на 13 август 2001 година бил потпишан Охридскиот рамковен договор, политички документ за решавање на кризата во Република Македонија. Документот го потпишале претседателот на Република Македонија, Борис Трајковски и четворицата партиски лидери – на ВМРО-ДПМНЕ, Љубчо Георгиевски, на СДСМ, Бранко Црвенковски, на ДПА, Арбен Џафери и на ПДП, Имер Имери. На потпишувањето на документот присуствувале и високи меѓународни претставници.

 

Охридскиот договор е склучен во текот на ескалацијата на насилства помеѓу етнички албанската ОНА и македонските вооружени сили во Конфликтот од 2001. Поради тоа, многу граѓани, особено од македонска националност, го сметаат договорот за насилно изнуден и неприфатлив.

Рамковниот договор донесе мир, поправична застапеност на албанската заедница во општествениот животот, но животот на граѓаните и натаму остана тежок. 23 година по неговото потпишување, соживот, каков таков има, ама пари и правда се чини нема. Според некои аналитичари, најголем ќар од договорот во овие две децении има ДУИ.