23 АПРИЛ, СВЕТСКИ ДЕН НА КНИГАТА -ПОКАЖЕТЕ ЈА ЉУБОВТА КОН КНИГАТА

„Книгата отвора врати во цел свет а ако влезе во вашиот дом, таа станува таму најголем трезор, од каде што зрачи среќата на универзумот„, ова се зборовите на големиот кинески поет Лу Јуан.

Под покровителство на УНЕСКО, 23 април е назначен за Светски ден на книгата, за првпат прославен во 1995 година. Датумот има цел да ги промовира книгите, да ги поттикне издавачите и да укаже на заштитата на авторското право. Книгата е врска меѓу минатото и иднината. Со овој ден ја изразуваме нашата почит кон творештвото и литературна традиција што ги постави темелите на светската книжевност.
 
23 април (Денот на розите) е неслучајно одбран како датум уште во далечната 1923 година во Шпанија, кога продавачите на книги меѓусебно се договориле да му искажат почит на познатиот автор на „Дон Кихот“ – Мигел де Сервантес, кој починал токму на оваа дата. Идејата поттикнала менување книги наместо рози, како што проповедала дотогашната традиција за Празникот на розите.

Напишете коментар

Вашата адреса за е-пошта нема да биде објавена. Задолжителните полиња се означени со *