ВО ООУ „ВЛАДО КАНТАРЏИЕВ“ ОДРЖАНА ПРОМОЦИЈА НА НАЈНОВИОТ РОМАН ЗА ДЕЦА „ДНЕВНИКОТ ОД ШТРКОВОТО ГНЕЗДО“ ОД КИРО ДОНЕВ
Во организација на ЈОУ Библиотека „Гоце Делчев“ – Гевгелија, вчера, четврток, 12 септември во просториите на основното училиште „Владо Кантарџиев“ Гевгелија се одржа промоција на најновиот роман за деца од Киро Донев, „Дневникот од штрковото гнездо“.
Авторот Киро Донев и промоторот Ацо Ѓорѓиев во текот на едночасовната промоција ги развеселија и ги анимираа учениците во основното училиште, зборувајќи за приказната на мистериозното дете Добре Лошиот, патувајќи низ неа преку неговиот дневник, кој раскажува речиси неверојатни нешта. Во промоцијата свое учество зедоа и ученици од основното училиште „Владо Кантарџиев“ под менторство на проф. Елизабета Инадеска Ефремова, кои интерпретираа делови од романот.
Бесплатно преземање е дозволено со задолжително цитирање на медиумот и хиперлинк до оригиналната содржина на tvnova12.mk.
За сите споделени фотографии (графики), ТВ Нова 12 има екслузивно право да ги користи или истите се превземени од социјалните медиуми, запазувајки го кодексот на "фер употреба" - корисни за општеството (ТВ НОВА 12 има за цел да информира и известува и употребата на фотографиите (графиките) е исклучливо за некомерцијални цели).
Доколку, материјата на фотографиите (графиките): навредува, нарушува углед, или негативно отсликува состојба, или не е запазено авторското право Ве молиме контактирајте не, за да соодветно реагираме!
