АНСАМБЛОТ „БОЈМИЈА“ НА ФЕСТИВАЛ ВО РОМАНИЈА ЌЕ ГО ПРЕЗЕНТИРА БОГАТСТВОТО НА МАКЕДОНСКИОТ ФОЛКЛОР

Младите гевгеличани, членови на Ансамблот „БОЈМИЈА“, еден од најдобрите ансамбли за традиционална музика и игра во Македонија, во периодот од 31 мај до 3 јуни 2024 год, ќе учествуваат на Меѓународен фолклорен фестивал во Романија. На фестивалот заедно со своите врсници од Полска, Србија, Индонезија и домаќинот Романија ќе имаат можност, изведувајќи народни песни и ора, да го презентираат својот оригинален пристап во претставувањето на македонскиот фолклор и музика а, воедно со тоа и да ја презентираат Општина Гевгелија и Република Македонија.