СО ЛИТЕРАТУРНО ЧИТАЊЕ И ДОДЕЛУВАЊЕ БЛАГОДАРНИЦИ ОДБЕЛЕЖАН ПАТРОНАТОТ НА БИБЛИОТЕКАТА „ ГОЦЕ ДЕЛЧЕВ“

WEB Телевизија во живо

По повод Патронатот на Библиотека „Гоце Делчев“ од Гевгелија, 4-ти февруари – ден на раѓањето на апостолот на македонската револуционерна борба Гоце Делчев (1872-1903), Библиотеката денес, понеделник, 5 февруари, организираше одбележување на патрониот празник.
 
Под менторство на професорката Жаклина Атанасова, свои литературни творби читаа Димитар Урумов, Санда Шапкарова, Ирина Прошева, Адријана Ристовска, Јасмина Јовановиќ, Иван Ичев, Марија Костова, Ивана Јанева, Ивана Горбашлиева и Михаела Костадинова, ученици и ученички од СОУ „Јосиф Јосифовски“ – Гевгелија.
 
Со неколку композиции се претстави и познатата гевгелиска музичка кант-авторка Теодора Гошева.
Во рамките на ова одбележување, директорот на Библиотеката, Стефан Марковски им додели благодарници на тројцата најактивни читатели за 2023 година, Марија Апостолова, Адријана Вацев и Ангелина Дојранлиева.
 
Честитајќи им го на присутните патрониот празник , директорот Марковски изјави дека во наредниот период, бистата на великанот на македонската револуционерна борба, Гоце Делчев, ќе биде поставена пред зградата на Библиотеката која го носи неговото име.

Бесплатно преземање е дозволено со задолжително цитирање на медиумот и хиперлинк до оригиналната содржина на tvnova12.mk.

За сите споделени фотографии (графики), ТВ Нова 12 има екслузивно право да ги користи или истите се превземени од социјалните медиуми, запазувајки го кодексот на "фер употреба" - корисни за општеството (ТВ НОВА 12 има за цел да информира и известува и употребата на фотографиите (графиките) е исклучливо за некомерцијални цели).
Доколку, материјата на фотографиите (графиките): навредува, нарушува углед, или негативно отсликува состојба, или не е запазено авторското право Ве молиме контактирајте не, за да соодветно реагираме!

Напишете коментар

Вашата адреса за е-пошта нема да биде објавена. Задолжителните полиња се означени со *