15 ГОДИНИ ПОСТОЕЊЕ НА ЦЕНТАРОТ ЗА РАЗВОЈ НА ЈУГОИСТОЧЕН ПЛАНСКИ РЕГИОН- УСПЕШНА ПРИКАЗНА НА КОЈА СИТЕ СЕ ГОРДИ

WEB Телевизија во живо

Центарот за развој на Југоисточниот плански регион одбележа 15 години постоење и работење.
Свеченоста се одржа под мотото „Еден регион-безброј приказни“, а на настанот беа презентирани резултатите од досегашното работење преку видео приказни на вработените во Центарот, поранешни претседатели од редот на градоначалници на Советот за развој на регионот, а на поголем број институции и поединци им беа врачени плакети и благодарници.

Пред присутните се обратија актуелниот претседател на Советот, градоначалникот на Василево, Славе Андонов, директорот Ѓоко Камчев и поранешната директорка и еден од основачите на Центарот, Жулиета Ѓуркова.
Пред 15 години е отворена првата страница од празната книга која почнала да се испишува, а досега се имплементирани над 100 проекти, од кои 15 се европски.

Во оваа 2023 година завршени се 11 проекти, а уште два се во завршна фаза и се надевам дека до средината на декември во регионот ќе заврши оваа приказна согласно договорите потпишани со општините, приказна која тежи скоро 90 милиони денари, кои се инвестирани во проекти кои го подобруваат животот на сите граѓани од нашиот Југоисточен регион, истакна директорот Камчев.
 
Инаку според статистичките податоци овој регион е втор по развиеност во нашата држава, а, како што беше кажано, регионот е уникатна колекција на посебности кој на својата територија има многу туристички локалитети, вклучувајќи го и Дојранското Езеро. Реализирани се многу проекти со акцент на инфраструктурата, заштитата на животната средина и против пожарната заштита.

Бесплатно преземање е дозволено со задолжително цитирање на медиумот и хиперлинк до оригиналната содржина на tvnova12.mk.

За сите споделени фотографии (графики), ТВ Нова 12 има екслузивно право да ги користи или истите се превземени од социјалните медиуми, запазувајки го кодексот на "фер употреба" - корисни за општеството (ТВ НОВА 12 има за цел да информира и известува и употребата на фотографиите (графиките) е исклучливо за некомерцијални цели).
Доколку, материјата на фотографиите (графиките): навредува, нарушува углед, или негативно отсликува состојба, или не е запазено авторското право Ве молиме контактирајте не, за да соодветно реагираме!

Напишете коментар

Вашата адреса за е-пошта нема да биде објавена. Задолжителните полиња се означени со *