„KOLORRUN 2023“ ТРКАТА ВО СКОПЈЕ ЈА ОБОИЈА И ГЕВГЕЛИСКИТЕ АТЛЕТИЧАРИ ОД „7-МИ НОЕМВРИ“

Приказната од минатата година продолжи денес ! Kolorrun 2023 организирана од East Gate Mall & Atomic се одржа претпладнево во Скопје. Со многу бои, трчање, забава и неверојатни награди, ова беше трка која привлече над 1000 тркачи од цела Македонија. Меѓу нив се најдоа и десеттина членови на АК „7-ми Ноември кои се натпреваруваа во трките на 10 километри и рекреативната трка на 2,5 километри. Стартот на трката беше пред главниот влез на Ист гејт мол кон ТЦ Мавровка, и преку мостот Гоце Делчев и по булевар Илинденска по истата патека се трчаше назад до Ист Гејт мол.