СЕ ГРАДИ ПАТОТ ДО „ТОПЛИК“, КАКО ИДЕН РЕКРЕАТИВЕН ЦЕНТАР

Започна изградбата на патот до местото викано „Топлик“ во Општина Гевгелија. Овој проект, по успешната апликација на Општина Гевгелија со Проектот: „Пристап до земјоделско земјиште“ на Јавниот повик, се реализира со одобрени средства од Програмата за финансиска поддршка на руралниот развој за 2022 година на Агенцијата за финансиска поддршка на земјоделството и руралниот развој. Вкупната должина на патот е 560 метри, а неговата изградба е во вредност од 851.439 денари. Заради потенцијалот на местото викано „Топлик“ , кој би требало да прерасне во рекреативен центар што ќе го користат граѓаните на општина Гевгелија, изработен е основен проект за реализација.