И ОБЕДИНЕТАТА МАКЕДОНСКА ДИЈАСПОРА ЈА ЧЕСТВУВАШЕ 120-ГОДИШНИНАТА ОД ИЛИНДЕНСКОТО ВОСТАНИЕ
Овој историски датум го претставува раѓањето на современата македонска држава. Македонија со векови трпеше окупација до конечното остварување на слободата во 1903 година по Илинденското востание и деновите на Крушевската Република. Републиката што ја основаа нашите предци, иако краткотрајна, беше прва од ваков вид на Балканот ! Формалните столбови на современата република потоа беа официјализирани во 1944 година, отворајќи го патот за иднината на нацијата.
Во текот на еден предизвикувачки 40-годишен период од Илинденското востание во 1903 година, преку Балканските војни во 1912 година, првата, а потоа и втората светска војна, македонскиот народ истраја низ неволјите, соочувајќи се со незамисливи маки. Нашите предци страдаа смртно, се опустошија нивните земји, се разделија семејствата додека соседните војски постојано се обидуваа да ја асимилираат и потиснат нашата македонска култура. Сепак, нивниот непоколеблив дух и одлучност доведоа до конечното ослободување и националност на нашата сакана земја.
Денес, како горди Македонци, стоиме обединети, благодарни за храброста и пожртвуваноста на нашите предци. Ја користиме оваа прилика да го почитуваме нивното наследство и да го прославиме значењето на 2-ри август – симбол на издржливоста, силата и неукротимниот македонски дух. Со чествувањето на Илинденското востание и АСНОМ им оддаваме почит на хероите од минатото кои го трасираа патот кон сегашноста и иднината. Оваа прослава е доказ за нашата посветеност за зачувување на нашето наследство и негување на единството меѓу Македонците ширум светот.
ОМД ги поканува сите Македонци и пријатели на Македонија да ни се придружат во одбележувањето на овој историски ден. Заедно, да ја негуваме нашата заедничка историја, да се сеќаваме на борбите и да ги прифатиме триумфите што ја обликуваа нацијата што гордо ја нарекуваме дом. Македонија пред се е се што имаме.
Подолу се прикажани фотографии од директорот на ОМД Македонија, Гордан Јорданов, кој положува венец во спомен на оние кои ги загубија животите за Македонската Република на Мечкин Камен, Крушево, Македонија.
Бесплатно преземање е дозволено со задолжително цитирање на медиумот и хиперлинк до оригиналната содржина на tvnova12.mk.
За сите споделени фотографии (графики), ТВ Нова 12 има екслузивно право да ги користи или истите се превземени од социјалните медиуми, запазувајки го кодексот на "фер употреба" - корисни за општеството (ТВ НОВА 12 има за цел да информира и известува и употребата на фотографиите (графиките) е исклучливо за некомерцијални цели).
Доколку, материјата на фотографиите (графиките): навредува, нарушува углед, или негативно отсликува состојба, или не е запазено авторското право Ве молиме контактирајте не, за да соодветно реагираме!
