30-ТА СЕДНИЦА НА СОВЕТОТ НА ОПШТИНА ГЕВГЕЛИЈА
Советот на Општина Гевгелија, на 14 август 2023 година (понеделник), ќе ја одржи својата 30. седница, на којашто ќе расправа по Кварталниот извештај за извршување на Буџетот на Општина Гевгелија за 2023 година, за период 1 јануари – 30 јуни 2023 година кумулатив. На престојната седница, предмет на расправа ќе бидат и Предлог- Измените и дополнувањата на Буџетот на Општина Гевгелија за 2023 година и Буџетските програми за: изградба, реконструкција, рехабилитација, одржување и заштита на општинските патишта и улици, уредување на градежното земјиште, финансирање програми и проекти од областа на културата и финансирање на спортските активности во општина Гевгелија за 2023 година.
Покрај тоа, на 30. седница, Советот на Општина Гевгелија ќе расправа и по Предлогот за измени и дополнувањата на Одлууката за општински линиски превоз на патници во општина Гевгелија, Предлог-Одлуки за давање на времено користење на недвижна ствар во сопственост на Општина Гевгелија на правни лица и Годишните планови за вработување за 2024 година на ЈОУДГ „Детска радост“- Гевгелија, ЈОУ Дом на култура „Македонија“- Гевгелија и ЈПКД „Комуналец“- Гевгелија. Како и по Предлог-Одлуката за продолжување на работното време на угостителските објекти во општина Гевгелија. Седницата ќе се одржи во Малата сала на Народниот театар- Гевгелија, со почеток во 10:30 часот.
