ЗОШТО УЧЕБНАТА ГОДИНА ОД 2023/2024 ЌЕ ТРАЕ ОД 1 СЕПТЕМВРИ ДО 17 ЈУНИ?
Навистина останува нејасно зошто за учениците од основното и средно образование од 2024 година распустот ќе им започне од 17 а не од 10 јуни. Една пракса која важеше со децении, сега, со Владината одлука, на предлог на МОН, ќе биде прекршена, иако знаеме дека времето во јуни може да биде мошне топло, што дополнително ќе им создаде проблеми на учениците при следењето на наставата.
Ако е за нивна утеха, за продолжените седум дена, учениците ќе имаат пролетен распуст – кој ќе трае од 29 април до 5 мај.
Според одлуката, почетокот на учебната година останува 1 септември, првото полугодие треба да заврши на 29 декември 2023 година, а од 30 декември 2023 година учениците ќе користат зимски одмор. Почетокот на второто полугодие е предвиден за 22 јануари 2024 година.
Бесплатно преземање е дозволено со задолжително цитирање на медиумот и хиперлинк до оригиналната содржина на tvnova12.mk.
За сите споделени фотографии (графики), ТВ Нова 12 има екслузивно право да ги користи или истите се превземени од социјалните медиуми, запазувајки го кодексот на "фер употреба" - корисни за општеството (ТВ НОВА 12 има за цел да информира и известува и употребата на фотографиите (графиките) е исклучливо за некомерцијални цели).
Доколку, материјата на фотографиите (графиките): навредува, нарушува углед, или негативно отсликува состојба, или не е запазено авторското право Ве молиме контактирајте не, за да соодветно реагираме!
