ЗА ДА МОЖЕ МАКЕДОНИЈА ДА СЕ ПРИКЛУЧИ НА БРЗАТА ПРУГА ОД УНГАРИЈА ДО ГРЦИЈА ПОТРЕБНО Е СЕГАШНИОТ КОРИДОР ДА СЕ ПОМЕСТИ 10 КИЛОМЕТРИ ИСТОЧНО ВО ОВЧЕ ПОЛЕ И ДА БИДЕ ОД МИЛАДИНОВЦИ ДО МИРАВЦИ

Македонија активно работи на приклучување кон изградбата на брзата пруга што ќе биде дел од железничкиот коридор 10. Македонското министерство за транспорт веќе го изработи текстот на меморандумот за соработка со српското министерство за транспорт.

Потпишувањето на меморандумот е почеток на реализацијата на овој проект. Потоа следуваат сите други активности и изработка на проектна документација, со што би се знаела и реалната вредност на изградбата на брзата пруга до Скопје, а подоцна и до Грција.

Станува збор за проект што е финансиран од Европската Унија, кој е дел од грантот од Инвестициски фонд за Западен Балкан, а проценетата цена на оваа инвестиција е 4 милијарди евра.

Во Македонија се предвидува сосема нова траса, бидејќи постојната не е соодветна како железнички коридор и инфраструктура за да се движат низ неа брзите европски возови. Коридорот 10 е по долината на реката Вардар. Проблем се кривините, кои ја определуваат брзината на железничкиот сообраќај. На оваа делница токму поради тоа не може да се зборува за брза пруга. За да имаме брза пруга, потребно е коридорот да се помести 10 километри источно, за да биде трасиран во Овче Поле, и таму ќе имаме брза пруга. Би требало да биде од Миладиновци до Миравци, а проценетата цена на оваа инвестиција е 4 милијарди евра – изјави Локвенец.

 

Изградбата на брзата железница помеѓу Будимпешта и Белград е веќе започната. Од Прешево треба да продолжи преку Скопје кон Евзони. Самата ЕУ е силно заинтересирана за овој проект, а голем дел од средствата би се исплатил како европски грант.