“ПO СТАПКИТЕ НА … ПРОФ. Д-Р SCI ТОМЕ МАНЧЕВ

Во рамките на Гевгелиското културно лето, Дом на култура „Македонија“ организира Омаж за Томе Манчев. Настанот ќе се одвива утре, петок, 14 јули 2023 година, на платото пред Народниот театар, со почеток од 21 часот.

 

“По стапките на… проф. д-р sci Томе Манчев” претставува своевиден омаж на ликот, делото и значењето на неодамна починатиот, исклучителен македонски композитор Томе Манчев. Неговото мото беше да се создаде високо квалитетно и уметничко дело со моќна експресија, високо ниво на психо-енергија, совршено композициско-техничко обликување, но и дело што ќе успее да го “предаде” како граѓанин на Македонија. Всушност, дејноста преку која овој композитор ќе остане особено запаметен е неговата педагогија на сите степени на образование – од средно до докторски студии.

 

Омажот е симболично навраќање конципирано преку делата на неговите студенти по композиција. Составен е од композициски начела на сега веќе реномирани творци, поранешни студенти по композиција, дела создадени под менторство на проф. д-р sciТомеМанчев. Омажот “По стапките на…” е посветен на проф. д-р sci Томе Манчев од неговите докторанти, поширокото семејство и почитувачи на неговата музика и дејност. Музички композиции:

Валентина Велковска – Трајановска – Исон – Симфониска Поема Горан Начевски – 7 Звуци на Осаменост – 7 Афоризми за Пијано Михајло Штерјев – Allusioni Marini Вулнет Таири – Симфонија бр. 15 БорисСветиев – Concert Etudes for Piano and Symphonic Orchestra

Микс: Martchin Снимано во Музичко Продуцентско Студио “Алшар” – Скопје

Визуелизации: Петар Џон

Колор Корекција: Илија Павлов

 

Вечна слава на Проф. д-р sci ТомеМанчев

(Гевгелија, 25.04.1950 година – Скопје, 11.04.2020 година)