АНДРЕЈ ДИМОВ – ПРВЕНЕЦ НА ГЕНЕРАЦИЈА 2014/2023 ПРИ ООУ „КРСТЕ МИСИРКОВ“
„ ПОДГОТВЕН СУМ ЗА НОВИТЕ ПРЕДИЗВИЦИ ШТО СЕ ПРЕД МЕНЕ“
Првенец на генерацијата 2014/ 2023 година при ООУ „Крсте Мисирков“ е ученикот Андреј Димов. Него го красат скромност, одговорност, хуманост, праведност, истрајност, подготвеност за нови предизвици, чесност, и многу работливост. Неговите наставници и соученици велат едногласно дека Андреј чесно, работливо и заслужено стана Првенец на генерација.
За Тв Нова 12 Андреј ни кажа:
„За мене изминативе девет години претставуваа патишествие коешто ме изгради во личност којашто знае што сака и што може. Започнувајќи од четврто одделение одлучив да ги изложам моите амбиции, пријавувајќи се на натпреварите од делот на математиката и природните науки, а од тој миг математиката ми стана омилен наставен предмет.
Од тогаш до деветто одделение бев на многубројни натпревари на кои стекнав не само големи награди, туку и значителни искуства потребни за во понатмошното образование. Знам дека знаењето кое го стекнав во основното образование ќе се исплати и ќе ги претвори моите животни соништа во јаве. Поради стекнатите успеси неодамна бев прогласен за ,,Првенец на генерацијата 2014/2023’’ на ООУ ,,Крсте Мисирков”, за кое да се стигне е лесно доклку се сака и работи со труд.
Образованието коешто го стекнав ми ја разбуди желбата за негување на фолклорните традиции, зачленувајќи се уште на 9 години во ,,Ансамбл Бојмија’’. Исто така пред неполна година ме понесе силата на хуманоста, со што станав активен волонтер во Црвен крст, а од неодамна сум член и во Координативното тело на Клуб на Млади при ООЦК Гевгелија.
Мојот ентузијазам за нови успеси, знаења и цели не заврши со последното училиштно ѕвоно, туку ќе продолжи да владее со мене во средното образование, овде во Гевгелија, во коешто се запишав во природно математичката билингвална паралелка – комбинација А. После средното образование планирам да се определам на подрачјето на архитектурата или програмирањето…
Бесплатно преземање е дозволено со задолжително цитирање на медиумот и хиперлинк до оригиналната содржина на tvnova12.mk.
За сите споделени фотографии (графики), ТВ Нова 12 има екслузивно право да ги користи или истите се превземени од социјалните медиуми, запазувајки го кодексот на "фер употреба" - корисни за општеството (ТВ НОВА 12 има за цел да информира и известува и употребата на фотографиите (графиките) е исклучливо за некомерцијални цели).
Доколку, материјата на фотографиите (графиките): навредува, нарушува углед, или негативно отсликува состојба, или не е запазено авторското право Ве молиме контактирајте не, за да соодветно реагираме!
