ТРОЈЦА ЧЛЕНОВИ НА „ГЕВГЕЛИЈА ТОЧАК КЛУБ“ СО УСПЕХ НАСТАПИЈА НА НАЦИОНАЛНОТО ТРИАТЛОН ПРВЕНСТВО ВО ДОЈРАН

Вчера и денес, 10 и 11 јуни, во Дојран се одржа Национално триатлон првенство Дојран 2023, во пливање, возење велосипед и трчање, на кој учество зедоа осумдесет натпреварувачи во категориите Сениори, Јуниори, Мастерс, Кадети, Деца 1 и Деца 2. Гевгелија на ова првенство имаше тројца натпреварувачи, членови на „Гевгелија точак клуб“.

 Дарко Прошев и Коста Гелебешев се натпреваруваа во Мастерс категориите, Гелебешев беше трет во Мастерс 2 во својата категорија а осми во генерален пласман, додека Прошев исто така го освои третото место во Мастерс 3, во својата категорија, а беше единаесетти во генералниот пласман. Даниел Анчев се натпреваруваше во категоријата Сениори и го освои петтото место.

 Организаторите, Триатлон федерацијата на Македонија и Општина Дојран, како и Агенцијата за млади и спорт, и Македонскиот Олимписки комитет на Македонија, не го криеа своето задоволство што и двата дена гледачите присуствуваа на возбудливи и одлични трки.