ИЗЛОЖБА НА ДЕЛА ОД МИРОСЛАВ ЖИВКОВИЌ ОД НИШ, РЕПУБЛИКА СРБИЈА

На 16 јуни 2023 година, во Народниот театар- Гевгелија, а со почеток во 20:00 часот, ќе биде отворена Изложбата на дела од Мирослав Живковиќ. Влезот е слободен. 

Тематски, 20. имагинарни дела обработуваат пејзажи, од кои уметникoт од Ниш, Живковиќ црпи инспирација. Поставката е во организација на НУКЦ „Марко Цепенков“- Прилеп, а во соработка со ЈОУ Дом на култура „Македонија“- Гевгелија. 

Мирослав Живковиќ, професор на Факултетот за уметност од Ниш, Србија, досега реализирал над 70 самостојни изложби и бил учесник на повеќе од 300 групни изложби во Србија и во странство. Учествувал на повеќе од 80 колонии и симпозиуми и наградуван е многупати.