ХОРОТ „ГОРТИНИЈА“ ЌЕ УЧЕСТВУВА НА 57-ОТ МЕЃУНАРОДЕН ХОРСКИ НАТПРЕВАР ВО КОРУШКА, РЕПУБЛИКА АВСТРИЈА

Градскиот мешан хор „Гортинија“ од Гевгелија ќе земе учество на 57-от Меѓународен хорски натпревар 2023 година, кој од 6 до 9 јули, ќе се одржи во замокот Порсија во градот Спитал ан дер Драу, во Корушка, Австрија, На натпреварот, ќе настапат 10 хорови од 10 земји, и тоа, Индонезија, Канарски острови, Македонија, Полска, Швајцарија, Словенија, Тајланд, Украина, САД и Австрија.

 

Хорскиот натпревар ќе се одржи во две категории:

Категорија А – уметничка песна (современа хорска литература) (со наградата Гинтер Митерграднегер)

Категорија Б – народна песна

Услови за натпреварот од Категорија А – Мора да се испеат две (од три) задолжителни песни од Томас Томкинс, Антон Брукнер или Кристијан Дрео, и дополнителна кратка програма по избор на хорот, која не смее да надмине 10 минути чисто време за пеење. За кратката програма е дозволен и софистициран џез или поп аранжман.

 

Наградите во оваа категорија се следните

1. награда: 1.500 евра

2. награда: 900 евра

3. Награда 600 евра, како и

Гинтер-Митерграднегер-Награда за најдобра интерпретација на современо дело: 1.000 евра

 

На веб страната на Меѓународниот хорски натпревар, хорот „Гортинија“ од Гевгелија е претставен како хор кој доаѓа од Македонија и е основан во 2006 година. Во моментов членови на хорот се млади ентузијасти, пејачи аматери со одлични вокални интерпретации и љубов кон хорската уметност. Во текот на годините на неговото постоење, хорот има бројни концертни настапи на национална и меѓународна сцена за презентирање и освоено бројни награди, меѓу кои и 3 златни медали на Хорски натпревари во својата земја.. Хорот е под раководство на Илија Атанасов и посветува особено внимание на вокално-инструменталните дела.