СОВЕТОТ НА ОПШТИНА ГЕВГЕЛИЈА ЌЕ ОДРЖИ СЕДНИЦА НА 30 МАЈ

Советот на Општина Гевгелија, на 30 мај 2023 година, ќе ја одржи 27. седница, на која ќе расправа по предлог- измените и дополнувањата на Одлуката за извршување на Буџетот на Општина Гевгелија и по одлуки за сопствено учество на Општина Гевгелија во реализација на проекти. 

Исто така, на седницата ќе се расправа и по предлог-акти за воспоставување меѓуопштинска соработка, како и по акти од областа на социјалната заштита, урбанистичкото планирање, Годишните планови за вработување во Општина Гевгелија и општинските училишта и финансиското работење на ЈПКД „Комуналец“- Гевгелија. 

На 27. седница, која ќе се одржи во Народниот театар- Гевгелија, со почеток во 10:30 часот, освен тоа, ќе се расправа и по Информациите на ЈПКД „Комуналец“ за состојбата со кучињата скитници, и за состојбата со снабдување со вода за пиење во населените места во општина Гевгелија, како и по Информацијата од ЈУМЦСР-Гевгелија за состојбата со употреба на наркотици и психотропни супстанци кај младите во општината.