МЕЃУНАРОДНИОТ БАЛКАНСКИ УНИВЕРЗИТЕТ ДОДЕЛУВА 10 СТИПЕНДИИ ЗА МАТУРАНТИ ОД ОПШТИНА ДОЈРАН

Со обраќање на Градоначалникот на Општина Дојран, денес, понеделник, 29 мај, во 12 часот, во хотелот Романтик ќе биде организиран настан од страна на Општина Дојран и Меѓународниот Балкански универзитет Скопје. Ќе бидат презентирани условите и начините за добивање на 10 стипендии за матуранти од Општина Дојран. 

Исто така, за прв пат од своето постоење, Општина Дојран ќе додели стипендии за талентирани студенти. Студенти од Меѓународниот Балкански универзитет изминатиот период работеа на реален проект, изработка на идејни решениија за реконструкција на стар објект во општина Дојран, па на настанот ќе бидат презентирани тие решенија.

Меѓународниот Балкански универзитет е основан во 2006 г. од страна на Фондацијата за образование и култура „СКОПЈЕ“. Tој е основан, како единствен и непрофитабилен универзитет во Република Македонија. Наоѓајќи се во срцето на Балканот, МБУ е место за средба на студентите од целиот регион, вклучувајќи ја и Турција. 

Ова го прави МБУ мултинационална, мултирелигиозна и мултикултурна институција. Ако го додадеме фактот дека МБУ е средина во која се комуницира, се предава и се учи на англиски јазик, тогаш можеме да дојдеме до заклучок дека епитетот „меѓународен“ најдобро се вклопува во нашиот универзитет.