НА ДЕНЕШЕН ДЕН, ПРЕД 11 ГОДИНИ БЕШЕ СТАВЕН КАМЕН ТЕМЕЛНИК НА СПОРТСКИОТ КОМПЛЕКС „НБ НОЕЛ“ КРАЈ НЕГОРСКИ БАЊИ
На 27 април 2012 година беше ставен камен темелник на модерниот спортски комплекс во близина на Негорските бањи, во кој освен кошаркарско игралиште, во кое играше екипата на „Блокотехна“, денес има и сала за фитнес, надворешно кошаркарско игралиште и трим патеки. Според зборовите на директорот на компанијата „НОЕЛ“, Томица Главчев, салата е направена според строгите правила на ФИБА, располага со 500 седишта и со целата придружна инфраструктура.
