ООУ“ КРСТЕ МИСИРКОВ“ ГЕВГЕЛИЈА СЕНЗОРНО ЌОШЕ ВО УЧИЛНИЦАТА ЗА ПРОДОЛЖЕН ПРЕСТОЈ ЗА УЧЕНИЦИТЕ СО ПОПРЕЧЕНОСТ
ООУ„ Крсте Мисирков“ Гевгелија од 2019-2020 година, веќе три учебни години соработува со Фондација за образовни и културни иницијативи„ Чекор по чекор“ каде што тројца наши ученици со попреченост од второ и трето одделение се корисници на стипендии преку донаторскиот Проект „Биди ИН, биди ИНклузивен, биди ИНклудиран“.
Овој проект го спроведува оваа Фондација заедно со своите партнери Здружението за промоција и развој на инклузивно општество „Инклузива“-Incluziva Куманово и Здружението за давање услуги на лицата со попреченост „Хендимак- Handimak “ -Disability Services Association од Тетово, а во соработка со Министерството за образование и наука и Бирото за развој на образованието.
На 12.10.2022 година училиштето преку истиот проект доби понуда за аплицирање на грант/пакет за набавка на дидактички материјали за опремување на слободен агол во училницата за продолжен престој наречено „Сензорно ќоше“ финансиран од Европската Унија кој доделува грантови/пакети со поддршка на училиштата до Советодавното тело на Проектот(во кое членуваат претставници од МОН, МТСП,БРО,ЗЕЛС и др.) и истиот дидактички материјал беше одобрен и доставен во училиштето на 11.01.2023 година и целосно комплетиран на 26.01.2023 година.
Целта на овој повик е да им се помогне на основните редовни училишта кај што учат учениците со попреченост – корисници на стипендии од истиот проект да ја подобрат својата инклузивност и физичка пристапност. Во тој контекст, Проектот во нашето училиште обезбеди финансиска поддршка со набавка на дидактички материјали за опремување на Сензорно ќоше чија што намена е подобрување на условите за учење, социјализација, рекреација и рехабилитација за овие ученици.
