ЌИРО БЛАЖЕВИЌ ЗА АКИ РАХИМОВСКИ:

 

Поранешниот селектор на хрватската фудбалска репрезентација, Мирослав “Ќиро“ Блажевиќ, почина во средата, на 8 февруари, во Загреб на 88-годишна возраст, по долго и тешко боледување.

Најголемиот успех во кариерата го постигна со Динамо Загреб во 1982 година, кога стана шампион на Југославија, како и со селекцијата на Хрватска, со која освои бронза на Светското првенство во Франција во 1998 година.

 

Хрватската репрезентација ја водеше од клупата 72 пати (33 победи, 24 нерешени и 15 порази).

Две легенди, две познати имиња од музиката и фудбалот повеќе не се меѓу нас, Аки Рахимовски и Мирослав Ќиро Блажевиќ.

Интересно е да видиме што имаше да каже Блажевиќ за Аки Рахимовски, а поврзано со фудбалот

 

– Каков беше Аки Рахимовски на фудбалскиот терен? Прва класа, дете мое. Прва класа! – вели Мирослав “Ќиро“ Блажевиќ, кој на тој начин ги потврдува зборовите на пријателите на починатиот пејач на „Парни ваљак“, кои тврдат дека Аки, освен што бил брилијантен на сцената бил успешен и на уште два терени: во кујната, како и на фудбалскиот терен.

Тренерот на сите тренери – Ќиро Блажевиќ, кој беше длабоко погоден од смртта на еден од неговите „синови“, има што да каже за фудбалските вештини на прерано починатиот пејач.

 

– Кога првпат го видов со топката, го тргнав на страна и му реков: ’Сине, дали си нормален? Знам дека пееш убаво, но си роден за фудбал!’. Аки тогаш ми кажа дека не може да живее без пеење и музика, но и призна дека го сака фудбалот. Ми кажа дека како момче играл фудбал во клубот Вардар во Скопје, но по спортска повреда престанал да игра фудбал и се посветил на музиката. Му реков: „Слушај сине, не може и двете! Имате концерти кои траат до доцна во ноќта, спиете пред зори и нема шанси да издржите долго и да се занимавате со музика и со фудбал“, се сеќаваше Ќиро, кој го опишува Аки како мултиталентиран. фудбалер.