КАТАСТРОФАЛЕН ЗЕМЈОТРЕС НА ЈУГОТ ОД ТУРЦИЈА
СИТУАЦИЈАТА ВО ГАЗИАНТЕП Е ОЧАЈНА, ДВАЈЦА УЧЕНИЦИ ОД МАКЕДОНИЈА СЕ ПОВРЕДЕНИ НО НАДВОР ОД ЖИВОТНА ОПАСНОСТ
Повеќе од 1.500 луѓе загинаа, а спасувачите се обидуваат да ги извлечат преживеаните од под урнатините по разорниот земјотрес што ги опфати Турција и Сирија, оставајќи уништувања и урнатини на двете страни од границата.
Македонските претставништва обезбедија информации и стапија во контакт со деветте наши државјани кои се наоѓаат во загрозениот регион. Се работи за осум ученици и нивен ментор/наставник, кои преку програмата „Еразмус плус“ престојуваат во Република Турција.
Како последица од земјотресот, двајца од учениците се здобиле со телесни повреди: едниот ученик е со потешки повреди – скршеница на која во моментов работат медицински лица и е во фаза на санирање – додека вториот ученик е со полесни повреди. Ниту еден од учениците и Менторот не е во животна опасност.
Еден од најсилните земјотреси што го погоди регионот во изминатиот век ги потресе жителите од нивните кревети околу 4 часот наутро денеска, а потресите се почувствуваа до Либан и Израел.
Во Турција, според Агенцијата за управување со катастрофи и вонредни состојби на земјата (АФАД), загинале најмалку 1.014 луѓе, а неколку илјади се повредени. Во соседна Сирија, најмалку 592 лица загинаа, од кои 371 главно во регионите на Алепо, Хама, Латакија и Тартус, според сириската државна новинска агенција САНА, која исто така објави 1.089 повредени.
Епицентарот на земјотресот со јачина од 7,8 степени бил на 23 километри (14,2 милји) источно од Нурдаги, во турската провинција Газиантеп, на длабочина од 24,1 километар (14,9 милји), соопшти Геолошкиот институт на САД (USGS).
Околу девет часа подоцна, голем последователен потрес со јачина од 7,5 степени според Рихтер се случи во Турција, според USGS. Тој удар погодил околу 95 километри (59 милји) северно од првичниот земјотрес.
Бесплатно преземање е дозволено со задолжително цитирање на медиумот и хиперлинк до оригиналната содржина на tvnova12.mk.
За сите споделени фотографии (графики), ТВ Нова 12 има екслузивно право да ги користи или истите се превземени од социјалните медиуми, запазувајки го кодексот на "фер употреба" - корисни за општеството (ТВ НОВА 12 има за цел да информира и известува и употребата на фотографиите (графиките) е исклучливо за некомерцијални цели).
Доколку, материјата на фотографиите (графиките): навредува, нарушува углед, или негативно отсликува состојба, или не е запазено авторското право Ве молиме контактирајте не, за да соодветно реагираме!
