НА 30-ТИ ЈАНУАРИ ЌЕ БИДЕ ОДРЖАНА 22-ТА СЕДНИЦА НА СОВЕТОТ НА ОПШТИНА ГЕВГЕЛИЈА

На 30 јануари, 2023 година, Советот на Општина Гевгелија ќе ја одржи својата 22. седница. На првата седница во 2023 година, Советот на Општина Гевгелија ќе расправа по Предлог-Одлуката за измена и дополнување на Одлуката за одобрување на план на програми и развој на Општина Гевгелија за 2023 година, Предлог-Одлуката за зголемување и пренамена на Буџетот на Општина Гевгелија за 2023 година и неколку Предлог-Програми на Општина Гевгелија за 2023 година во рамките на своите надлежности. Пред Советот ќе се најдат и неколку иницијативи за изработка на УП, како и Извештаите за корисниците на буџетски средства од минатогодишните, Програми за финансирање на спортските и културните активности, месните заедници и невладините организации и здруженија. Седницата ќе се одржи во Малата сала на Народниот театар- Гевгелија, со почеток во 10:30 часот.