НОВОГОДИШЕН КОНЦЕРТ СО УЧЕНИЦИТЕ ОД КЛАСАТА НА ПРОФЕСОР ВЕСНА ГИНОВСКА ИЛКОВА

Вечерва, сабота, 24 декември 2022 година, со почеток од 19,30 часот, љубителите на сериозната музика ги очекува уште еден прекрасен настан во организација на Музички моменти од Гевгелија.,

Пред гевгелиската публика, во хотелот „Аполонија“, ќе настапат учениците од класата на професор Весна Гиновска Илкова, Матеа Теодосиевска, Македонка Петреска, Билјана Буџакоска, Симона Мишевска, Ивона Огненовска и Марија Ѓорѓиевска. Тие ќе исполнат дела од Глик, Рахманинов, Чајковски, Моцарт, Штраус, Скаловски, Перголези, Пучини, Алабљев. Влезот е слободен!

 

Биографијата на професор Весна Гиновска Илкова ја красат повеќе од дваесет годинина оперската сцена, и околу 20 водечки оперски улоги, во Македонија и надвор од неа. Никој кој ја слушал и ја гледал не останал рамнодушен пред нејзината моќна вокална и драмска изведба. Сопранот Весна Ѓиновска – Илкова е дама и уметник за восхит. Дипломирала на ФМУ во класата на професор Милка Ефтимова, а магистeрските студии ги завршува во Белград во класата на професор Радмила Бакочевиќ во 2008 година. Таа е првенец во Операта и редовен професор на ФМУ. Добитник е наградата „13 Ноември“, која ја доделува градот Скопје, а стопанската комора на Република Македонија ја прогласува за почесен амбасадор на културата.