ВЧЕРА 695 ВОЗАЧИ КАЗНЕТИ ЗА БРЗО ВОЗЕЊЕ, 15 НА ПОДРАЧЈЕТО НА ГЕВГЕЛИЈА

Сообраќајната полиција вчера казни 695 возачи за брзо возење, од кои 376 возила ја пречекориле брзината во населено место, а 319 надвор од населено место. Во периодот од 13.00 до 19.00 часот и на подрачје на Секторот за внатрешни работи Струмица беше спроведена контрола за санкционирање на возачи кои управуваат возила со брзина поголема од дозволената. Притоа, биле констатирани 57 пречекорувања на брзината, од кои 16 на подрачје на Струмица, 15 на подрачје на Гевгелија и по 13 на подрачјата на Радовиш и Валандово. Сите констатирани прекршоци биле соодветно санкционирани.