СТАРАТА КАФЕАНА НА „ВИНОЈУГ“ ВО БОГОРОДИЦА ЌЕ ПРЕРАСНЕ ВО ОПШТЕСТВЕНО КОРИСЕН ОБЈЕКТ

Во населеното место Богородица, започнаа градежните активности за реконструкција на старата кафеана „Винојуг“. 

По изборот на изведувачот и склучениот договор со градежна фирма, веќе во тек е воведувањето во градежно-занаетчиските работи за реновирање на внатрешниот простор и надворешниот дел на стариот објект, при што градоначалникот на општина Гевгелија изврши увид во истите. 

Имено, истакна дека ставањето во повторна функција, но како општествено- корисен објект, е од големо значење за богородичани бидејќи во минатото било место каде се собирале жителите од цело село. 

Реконструкцијата и реновирањето на старата кафана „Винојуг“ во населеното место Богородица чини 3.528.000 денари, средства издвоени од Буџетот на Општина Гевгелија.