ИВАН ШУКЛЕВ, КОМЕРЦИЈАЛЕН ДИРЕКТОР НА ГЕВГЕЛИСКАТА ФИРМА „ВИТТОРИА ФРУИТ“ ПРОМОВИРАН ВО АТИНА МЕЃУ 30-ТЕ НАЈУСПЕШНИ МЛАДИ БИЗНИС ЛИДЕРИ
Business Elite Awards, заштитен знак на Global Top Brands Awards, произлезе од идејата да се препознаат најуспешните бизнисмени од целиот свет и да се вмрежат со цел да им се даде шанса да ги зголемат можностите за проширување на нивниот бизнис и зголемување на профитот. Нашиот уникатен начин да го правиме тоа е преку организирање на престижни деловни настани во најголемите деловни престолнини во светот и создавање платформа за идна соработка на успешни бизнисмени.
Во пријатна атмосфера во Атина во Grand Bretagne хотелот се одржа гала вечера на која што беа промовирани 30-те најуспешни млади бизнис лидери под 30 години (30 under 30) во Југоисточна Европа. Со членството во ексклузивниот Business Elite’s “Executive Club”, наградените и официјално се приклучуваат на светската бизнис елита како дел од мрежата на најуспешни и најамбициозни бизнис лидери во светот.
По добивањето на оваа престижна награда, комерцијалниот директор Иван Шуклев за нашиот медиум изјави:
„Чест и привилегија е да се биде меѓу најуспешните млади лидери, но и голема мотивација за понатамошен развој на идеи, нови предизвици и сите оние убави моменти што ги доживуваш кога го сакаш и уживаш во она што го работиш.
Оваа награда е поттик да продолжиме да се стремиме кон нашата цел – а тоа е да станеме еден од најпрепознатливите произведувачи на трпезно грозје во Европа.
Наша главна цел за стратешки развој во периодот кој што претстои е зголемување на количините на произведено трпезно грозје, како и имплементирање на современи решенија за унапредување на самиот процес на производство на трпезно грозје. Со речиси 1,5 милиони килограми произведено трпезно грозје годишно, Витториа Фруит веќе е компанија која може да ги опслужи и најсериозните барања на маркетите ширум Европа, па се надеваме дека растот ќе продолжи и во иднина.“
Инаку, гевгелиската фирма Витториа Фруит е производител на многу сорти на трпезно грозје, семени и безсемени, на површина од 140 хектари. Оваа година беше особено интересна бидејки пласиравме повеќе од 80% од нашето произведено трпезно грозје на полиците на Европските маркети како ЛИДЛ, АЛДИ, ТЕСКО, АЛБЕРТ АХОЛД..
Бесплатно преземање е дозволено со задолжително цитирање на медиумот и хиперлинк до оригиналната содржина на tvnova12.mk.
За сите споделени фотографии (графики), ТВ Нова 12 има екслузивно право да ги користи или истите се превземени од социјалните медиуми, запазувајки го кодексот на "фер употреба" - корисни за општеството (ТВ НОВА 12 има за цел да информира и известува и употребата на фотографиите (графиките) е исклучливо за некомерцијални цели).
Доколку, материјата на фотографиите (графиките): навредува, нарушува углед, или негативно отсликува состојба, или не е запазено авторското право Ве молиме контактирајте не, за да соодветно реагираме!
