ТВ НОВА 12

Вести во Гевгелија и пошироко

САМОСТОЈНА ЛИКОВНА ИЗЛОЖБА НА ЕЛЕНА ГАЛИКА

„РАЗНОВРЕМЕНСКА КОХАБИТАЦИЈА“ –ВРЕМЕТО НЕ МИНУВА, ТУКУ НИЕ СЕ ДВИЖИМЕ НИЗ НЕГО
 
Во Галерискиот простор на Пионерскиот дом во Гевгелија, во четврток, на 22 септември, во 20 часот ќе биде отворена самостојната ликовна изложба на Елена Галика, во организација на „Дом на култура-Македонија“ и Општина Гевгелија. 
 
Се работи за интересни дела на овој автор кој ги создал воден од теми и креации на моментално расположение, водено од лично емоционални пориви на речиси целосно сензибилна природа и карактер.
 
За нив, авторот ќе рече:
 
„Изложените дела овој пат се од видливата паралелна реалност и како тие се замислени во индивидуалната реалност на уметникот кој ги создал. Земени се фрагменти, или дела во целост од познати и докажани мајстори, низ нивното постоење и творење, ставени да кохабитираат заедно на едно платно, на едно место и време, како навидум неспоиви. Но, ако се обидеме за миг да влеземе низ вратата на квантото поле, каде што лежат сите потенцијали, можеме да ги поврземе ”вчера” и ”утре”, минатото и иднината, во сегашниот миг и низ делата да ги споиме времињата прецизно, низ нивна перспектива да создадеме слика на нивното познато и нашето познато поле на реалноста. 
 
Поаѓајќи од шокантната хипотеза дека времето не минува, туку дека ние се движиме низ него, или пак, како што ќе напише Иво Андриќ: ”Не тече реката, туку водата. Не поминува времето, туку ние.” Како што постојат одредени тврдења, дури и научни докази, дека сѐ постои и се случува токму во сегашниот миг, минатото и иднината постојат токму сега, времето е само привид и мерење на нешто што не постои е мерење на безвремие.“
 
ЕЛЕНА ГАЛИКА, е родена 31.07.1980г во Скопје. Средно образование завршува во Училиштето за применета уметност “Лазар Личеноски” во Скопје, а дипломира на Факултетот за Ликовни уметности на одделот сликарство во класата на проф.Симон Шемов. Последипломските студии ги завршува под менторство на проф.м-р Благоја Меневски.
 
Галика е активен член на здружението на ликовни уметници ,,Широка стаза,, во Земун и е еден од добитниците на сертификатот за MEMORIAL MBĐ 8 exhibition Србија, Канада и Јапонија.
Учесник е на повеќе работилници, групни изложби како во земјата така и во странство, меѓу кои позначајните учества во Париз, Франција Le Salon des Artistes Indépendants Grand Palais – Paris 2019г. И на есенскиот салон Salon d’Automnе 2019 – Champs-Élysées, Paris.

Бесплатно преземање е дозволено со задолжително цитирање на медиумот и хиперлинк до оригиналната содржина на tvnova12.mk.

За сите споделени фотографии (графики), ТВ Нова 12 има екслузивно право да ги користи или истите се превземени од социјалните медиуми, запазувајки го кодексот на "фер употреба" - корисни за општеството (ТВ НОВА 12 има за цел да информира и известува и употребата на фотографиите (графиките) е исклучливо за некомерцијални цели).
Доколку, материјата на фотографиите (графиките): навредува, нарушува углед, или негативно отсликува состојба, или не е запазено авторското право Ве молиме контактирајте не, за да соодветно реагираме!

Напишете коментар

Вашата адреса за е-пошта нема да биде објавена.