РАКОМЕТНИТЕ КАДЕТИ НА МАКЕДОНИЈА ВО ПОЛУФИНАЛЕТО НА ЕХФ ШАМПИОНАТОТ ВО ЛЕТОНИЈА

Гевгелиските млади ракометари, порано играчи на „Партизан“ а сега на скопски „Алкалоид“, браќата Тодор и Димитар Узунчеви настапуваат на ЕХФ шампионатот кој се игра во Летонија. 

Тодор на двата меча, против Турција и Косово постигна по пет голови, додека Димитар имаше пех да се повреди на првиот натпревар, против Турција и најверојатно нема да игра до крајот на првенството. 

Инаку, машката кадетска репрезентација на Македонија се пласира во полуфиналето на ЕХФ шампионатот во Летонија, откако славеше против Косово со 39-16. 

Претходно беше совладана и Турција со високи 34-19. Со четири бода на два меча Македонија е сигурен полуфиналист и попладнево ќе се бори со домаќинот Летонија за првото место во групата.