ЦЕЦА СРБОВА, МЕТОДИЈА ИЧЕВ, АНГЕЛ АРНАУДОВ И МИЈАЛЧО АНДОНОВСКИ НА ТРКИТЕ „ДУБРОВНИК ВО ДВИЖЕЊЕ“

Вчера и денес во Дубровник се одржа 6-от Дубровнички полумаратон, кој за прв пат беше воспоставен во 2015 година под мотото „Повеќе од трка“. Првично, настанот имаше многу едноставна цел – да се промовира спортот и здравиот начин на живот, сето тоа во спектакуларниот амбиент на древниот Дубровник, место на светското наследство на УНЕСКО. Благодарение на посветеноста, ентузијазмот и здружените напори на Дубровничката спортска федерација, Градот Дубровник и Туристичката управа Дубровник, полумаратонот во Дубровник навистина стана „повеќе од трка“. За многу краток период, тој се трансформираше во полноправна меѓународна повеќедневна спортска и рекреативна манифестација со дури четири трки – полумаратон во Дубровник, хуманитарна трка 5K, Run The Wall и Ден на децата. Настанот ги вклучува придружните настани како што се Du Motion Expo – место за собирање тркачи и изложувачи – и Du Motion Chat – серија разговори на истакнати предавачи од светот на трчањето.

На овогодишната манифестација беа пријавени 10.500 учесници од 63 земји, меќу кои и од Македонија. Боите на градот Гевгелија ги „бранеа“ членовите на АК „7-ми Ноември“, Цеца Среброва, Методија Ичев, Ангел Арнаудов и Мијалчо Андоновски.

Цеца Србова ја трчаше трката на 5 километри и постигна резултат од 27 минути, додека машките членови на клубот го трчаа полумаратонот и при тоа Методија Ичев ја истрча патеката за 1 час и 53 минути, Мијалчо Андоновски за 2 часа и 2 минути, додека Ангел Арнаудов постигна резултат од 2 часа и 8 минути.

Инаку, победник на полумаратонот беше Алија Имамовиќ од Босна и Херцеговина со време од 1 час 15 минути, а кај жените на 5 километри победничка е Лукреција Крстиќевиќ со време од 21 минута и 57 секунди.