НА ПРЕС КОНФЕРЕНЦИЈА ПРЕЗЕНТИРАНИ РЕЗУЛТАТИТЕ НА ЦРВЕНИОТ КРСТ НА МАКЕДОНИЈА ЗА ДАВАЊЕ НА УСЛУГИ НА СТАРИ И ИЗНЕМОШТЕНИ ЛИЦА

На Прес-конференцијата во Општинската организација Струмица, на која присуствуваа и Секретарите на ОО Црвен крст Валандово, Радовиш и Гевгелија, беа презентирани досегашните резултати од спроведување на проектот ,, Развој на деловни услуги за интегрирана грижа и поддршка во ЦКРСМ” поддржан од Агенцијата за развој од Австрија, како и од Црвениот крст на Македонија, Австрискиот црвен крст и Швајцарскиот црвен крст
Станува збор за нов проект на Црвен крст на РСМ преку кој обучени негуватели ќе обезбедат подобри социјални сервиси за стари и изнемоштени лица на кои им е потребна таква нега. Поради зголемен интерес за димензионирање на услугите од овој тип се нуди можност за избирање на пакети комерцијални услуги согласно потребите и желбите на корисниците и нивните семејства.
Досега се лиценцирани 63 негуватели преку регионалниот обучен центар во 4 образовни циклуси.
Вработени се две стручни лица кои ќе ги координираат активностите за испорака на услугата помош и нега во домот.
Преку Комисијата за лиценцирање на МТСП се лиценцирани два центри за испорака на социјални услуги ЦК Струмица и ЦК Гевгелија. Другите два во Валандово и Радовиш се во процес на лиценцирање.
Со имплементација на проектот се создава можност невработените лица да се стекнат со квалификација и да бидат поконкурентни на пазарот на труд и да се зголеми можноста за вработување на ранливото население а, со испораката на квалитетни социјални услуги ќе се влијае на подобрување на здравјето и добросостојбата на граѓаните во заедницата.

Бесплатно преземање е дозволено со задолжително цитирање на медиумот и хиперлинк до оригиналната содржина на tvnova12.mk.

За сите споделени фотографии (графики), ТВ Нова 12 има екслузивно право да ги користи или истите се превземени од социјалните медиуми, запазувајки го кодексот на "фер употреба" - корисни за општеството (ТВ НОВА 12 има за цел да информира и известува и употребата на фотографиите (графиките) е исклучливо за некомерцијални цели).
Доколку, материјата на фотографиите (графиките): навредува, нарушува углед, или негативно отсликува состојба, или не е запазено авторското право Ве молиме контактирајте не, за да соодветно реагираме!

Напишете коментар

Вашата адреса за е-пошта нема да биде објавена. Задолжителните полиња се означени со *