НА 6 АПРИЛ 1946 ГОДИНА РОДЕН ИВАН БЕЌАРЕВ, СРПСКИ АКТЕР СО ГЕВГЕЛИСКО ПОТЕКЛО, ВНУК НА ИЛИЈА ЏАЏЕВ

На денешен ден 1946 година во Белград е роден Иван Беќарев српски актер со македонско потекло, кој за жал почина во ноември месец 2020 година. Тој живееше во Белград, но како што велеше Гевгелија секогаш ја носеше во срцето и мислите. На сите гордо им кажувал од каде е неговото потекло. Родителите на Беќарев се од Македонија. Татко му Георги дошол во Белград пред Втората светска војна, а неговата мајка Радмила, која е по потекло од Гевгелија, дошла во Белград во 1945 година. Откако завршил основно училиште, се запишал во Шестото белградско средно училиште, а потоа и на Факултетот за драмски уметности.
Беќарев игра во долгометражниот документарен филм за Илија Џаџев на авторот Јордан Дуков – „Професорот“, По предлог на Софија, ќерката на Илија, во филмот, приказната за нејзиниот татко заедно со него ја истражува и Иван кому Илија му е вујко.
Првата филмска улога Беќарев ја остварил во 1967 година во филмот „Боксерите одат во рајот“. Големата актерска популарност ја стекнал со телевизиската серија „Бањица“ во 1984 година и преку ликот на Стевица Курчубиќ од телевизиската серија „Подобар живот“ (1987-1990). Остварил и низа театарски улоги во драмски дела од најпознати светски автори.

Бесплатно преземање е дозволено со задолжително цитирање на медиумот и хиперлинк до оригиналната содржина на tvnova12.mk.

За сите споделени фотографии (графики), ТВ Нова 12 има екслузивно право да ги користи или истите се превземени од социјалните медиуми, запазувајки го кодексот на "фер употреба" - корисни за општеството (ТВ НОВА 12 има за цел да информира и известува и употребата на фотографиите (графиките) е исклучливо за некомерцијални цели).
Доколку, материјата на фотографиите (графиките): навредува, нарушува углед, или негативно отсликува состојба, или не е запазено авторското право Ве молиме контактирајте не, за да соодветно реагираме!

Напишете коментар

Вашата адреса за е-пошта нема да биде објавена. Задолжителните полиња се означени со *