НА ПОЛУМАРАТОНОТ ВО ВОЛОС ТОДОР АНЧЕВ ГО ОСВОИ ТРЕТОТО МЕСТО
ДОБАР ПЛАСМАН И ЗА ДВАЈЦАТА ДРУГИ ЧЛЕНОВИ НА АК „7-МИ НОЕМВРИ“ ДРАГАН РИСТОВ И МЕТОДИЈА ИЧЕВ
На шестиот полумаратон во Волос, кој се враќа по две години пауза поради пандемијата учествуваше и тричлената екипа на АК „ 7-ми Ноември“ од Гевгелија, во состав Тодор Анчев, Драган Ристов и Методија Ичев.
Тодор Анчев, во конкуренција на 500 тркачи, го освои третото место со време од 1 час и 23 минути, Методија Ичев постигна време од 1 час и 48 минути, додека Драган Ристов патеката ја истрча за 1 час и 58 минути.
Тодор Анчев по трет пат учествува на овој интересен полумаратон во Грција, во 2018 година беше прв, во 2019 го освои второто место, и еве оваа 2022 година е третопласиран
Првите 5 километри од Волос полумаратонот се одвиваа не само на плажата на Волос, туку и на улиците Демитријадос и Јасонос, пред спортистите да го продолжат патувањето до Пефкакија и Аликес.
Организациониот одбор на трката соопшти дека по едно евро од сите учесници ќе добие Домот за деца без родители Волос . Всушност, иако оваа година на двете трки Volos Half Run и I Love Volos Run учествуваа вкупно 1500 натпреварувачи, сепак 1.800 евра дефинитивно ќе добие Домот за деца без родители Волос
Бесплатно преземање е дозволено со задолжително цитирање на медиумот и хиперлинк до оригиналната содржина на tvnova12.mk.
За сите споделени фотографии (графики), ТВ Нова 12 има екслузивно право да ги користи или истите се превземени од социјалните медиуми, запазувајки го кодексот на "фер употреба" - корисни за општеството (ТВ НОВА 12 има за цел да информира и известува и употребата на фотографиите (графиките) е исклучливо за некомерцијални цели).
Доколку, материјата на фотографиите (графиките): навредува, нарушува углед, или негативно отсликува состојба, или не е запазено авторското право Ве молиме контактирајте не, за да соодветно реагираме!
