МАЈА ЧАНАЧЕВИЌ СО КОНЦЕРТОТ „МОЌТА НА КЛАСИКАТА“ И ГО ПРИБЛИЖИ НА ПУБЛИКАТА ЗВУКОТ НА АНГЛИСКИОТ РОГ

Концерт насловен „Моќта на класиката“ на кој како солистка на англиски рог настапи Маја Чанаќевиќ, а диригент беше маестро Конрад ван Алфен од Холандија, се одржа пред две вечери во Македонската Филхармонија.

На програмата беа Симфонијата број 5 од Лудвиг ван Бетовен, Сцена и рондо за англиски рог и оркестар од Антон Рејха и Концерт за англиски рог и оркестар од Јозеф Фиала.
 
„Нема поголема среќа за еден музичар кој може да биде среќен со своите соработници и пријатели музичари. Посебно би сакала да ù се заблагодарам на директорката Тина Иванова, која што ми ја даде довербата за овој концерт, но исто така и што се обидува да нè стимулира за повеќе настапи и повеќе концерти, што е особено значајно за секој музичар, не го криеше своето задоволство Чаначевиќ.
Инаку , дел од посетителите после концертот изјавија дека присуствувале на еден над просечен концерт , на кој свој белег со солистичката маестрална изведба даде токму Маја Чаначевиќ, под диригентската палка на извонредниот маестро Конрад ван Алфен.
 
Маја Чанаќевиќ е родена во Скопје, каде што го завршува средното музичко образование и Факултетот за музичка уметност. Дипломира обоа во класата на професор Гордана Јосифова-Неделковска, на ФМУ во Скопје. Веднаш по дипломирањето ги завршила и постдипломските студии по културен менаџмент, a магистрирала и во областа на музичката уметност во класата на професор д-р Владимир Лазаревски.
 
Вработена е повеќе од 20 години како обоист и солист на англиски рог во Македонската филхармонија. Во рамки на својата уметничка дејност, продолжува да твори и да ја промовира камерната музика и музиката пишувана за овој редок инструмент (англиски рог). Во периодот 2007 – 2017 година, во три мандати беше директор на Македонската филхармонија.

Бесплатно преземање е дозволено со задолжително цитирање на медиумот и хиперлинк до оригиналната содржина на tvnova12.mk.

За сите споделени фотографии (графики), ТВ Нова 12 има екслузивно право да ги користи или истите се превземени од социјалните медиуми, запазувајки го кодексот на "фер употреба" - корисни за општеството (ТВ НОВА 12 има за цел да информира и известува и употребата на фотографиите (графиките) е исклучливо за некомерцијални цели).
Доколку, материјата на фотографиите (графиките): навредува, нарушува углед, или негативно отсликува состојба, или не е запазено авторското право Ве молиме контактирајте не, за да соодветно реагираме!

Напишете коментар

Вашата адреса за е-пошта нема да биде објавена. Задолжителните полиња се означени со *