ФУДБАЛСКИОТ СТАДИОН 974 ЗА СВЕТСКОТО ВО КАТАР Е НАПРАВЕН ОД БРОДСКИ КОНТЕЈНЕРИ
Шарени контејнери за транспорт на стока, заедно со модуларната конструкција, го сочинуваат стадионот 974, изграден во Катар во пресрет на Светското првенство во 2022 година. Дизајниран е од шпанското студио „Fenwick Iribarren Architects“.На овој стадион ќе се одиграат седум натпревари од Светското првенство. Стадионот 974 го добил името по бројот на користени контејнери, што е и меѓународен код на земјата.
Порано познат како Рас Абу Абуд, Стадионот 974 е спортски центар со 40.000 седишта во близина на пристаништето Доха и е првиот стадион во историјата на шампионатите на ФИФА кој е дизајниран така што може целосно да се демонтира.
Неговата модуларна структура комбинира пренаменети транспортни контејнери и челична конструкција, како и делови кои се рециклираат.
Целта е стадионот да се демонтира и повторно да се состави на нова локација по завршувањето на првенството или да се пренамени за низа помали настани.
Овој тип на дизајн ги намали трошоците и времето за изградба, како и потрошувачката на материјали. Потрошувачката на вода ќе биде за 40 отсто помала отколку на конвенционалните стадиони.
Бесплатно преземање е дозволено со задолжително цитирање на медиумот и хиперлинк до оригиналната содржина на tvnova12.mk.
За сите споделени фотографии (графики), ТВ Нова 12 има екслузивно право да ги користи или истите се превземени од социјалните медиуми, запазувајки го кодексот на "фер употреба" - корисни за општеството (ТВ НОВА 12 има за цел да информира и известува и употребата на фотографиите (графиките) е исклучливо за некомерцијални цели).
Доколку, материјата на фотографиите (графиките): навредува, нарушува углед, или негативно отсликува состојба, или не е запазено авторското право Ве молиме контактирајте не, за да соодветно реагираме!
