ПЕТКОВ ОСТАНА БЕЗ ЗБОРОВИ ВО ИНТЕРВЈУТО СО СТИВЕН САКУР ЗА „БИ-БИ-СИ“ НА ЗАБЕЛЕШКАТА ДЕКА И ЕТНИЧКИТЕ МАКЕДОНЦИ НЕМААТ ПРАВА ВО БУГАРИЈА

“Да бидеме искрени, и етничките Македонци ги немаат тие права во Бугарија. Всушност, Европскиот суд за човекови права имаше повеќе случаи по таа основа отколку за Бугарите во Македонија. Тука се наоѓате на лизгав терен“, му кажа британскиот новинар Стивен Сакур на бугарскиот премиер Кирил Петков при неговото гостување во популарната емисија „Хардток“ на „Би-Би-Си“.

Сакур реагираше на тврдењето на Петков дека Бугарите немаат законски права во Македонија, и го потсети на бројните пресуди на Европскиот суд за човекови права во врска со македонското малцинство во Бугарија.

Но Петков не одговори на оваа забелешка, туку продолжи дека со македонскиот премиер Димитар Ковачевски се согласиле оти „Бугарите во Македонија треба да ги имаат истите законски права како сите останати народи кои живеат таму, но прашање е како да се добие поддршка од јавноста за тоа“.

„Со премиерот на Република Македонија целосно се согласивме дека Бугарите би требало да ги имаат истите законски права како и сите Македонци и други народи, како Албанците. Прашање е како да стигнеме дотаму“, кажа Петков.
 
Петков потврди дека сака да ја види Македонија во Европската Унија, но и нагласи дека претходно треба да се решат некои проблеми, не само историски, на кои многумина се фокусираат.

Бесплатно преземање е дозволено со задолжително цитирање на медиумот и хиперлинк до оригиналната содржина на tvnova12.mk.

За сите споделени фотографии (графики), ТВ Нова 12 има екслузивно право да ги користи или истите се превземени од социјалните медиуми, запазувајки го кодексот на "фер употреба" - корисни за општеството (ТВ НОВА 12 има за цел да информира и известува и употребата на фотографиите (графиките) е исклучливо за некомерцијални цели).
Доколку, материјата на фотографиите (графиките): навредува, нарушува углед, или негативно отсликува состојба, или не е запазено авторското право Ве молиме контактирајте не, за да соодветно реагираме!

Напишете коментар

Вашата адреса за е-пошта нема да биде објавена. Задолжителните полиња се означени со *