ТВ НОВА 12

Вести во Гевгелија и пошироко

ВРАЧЕНИ ПРИЗНАНИЈАТА ЗА 8.500 ЗДРАВСТВЕНИ РАБОТНИЦИ, И ВО 2021 ТИЕ БЕА ХЕРОИТЕ ВО БОРБАТА СО КОВИД-19.

ВО ИМЕ НА ВРАБОТЕНИТЕ ОД ОПШТАТА БОЛНИЦА ГЕВГЕЛИЈА ПРИЗНАНИЈАТА ГИ ПРИМИЈА ДИРЕКТОРОТ МИТКО КРЏЕВ, ИНТЕРНИСТОТ БЛАЖE ЧОЧКОВ И МЕДИЦИНСКИТЕ СЕСТРИ БИЉАНА ДЕМЕРЏИЕВА И МАРИНА КАРАТАШЕВА

Претседателот на Владата на Република Македонија, Зоран Заев и министерот за здравство д-р Венко Филипче, на директорите и менаџерските тимови на клиниките од јавното здравство кои најнепосредно беа вклучени во борбата со пандемијата од КОВИД-19, вчера им ги предадоа плакетите што ќе им бидат врачени на над 8.000 здравствени работници во земјата за нивното пресудно и исклучително важно учество справувањето со последиците од вирусот и епидемијата. Во име на сите вработени во Општата болница со проширена дејност-Гевгелија, плакетите и признанијата ги примија директорот на установата д-р Митко Крџев, интернистот д-р Блажо Чочков, како и медицинските сестри Биљана Демерџиева и Марина Караташева.

На настанот на кој започна со едноминутно молчење во спомен на починатите од КОВИД-19, премиерот Заев истакна дека беа преземени соодветни и ефикасни мерки за да се запре фаталната природа и непредвидливоста на вирусот, да се намалат ризиците и да се пружи соодветна терапија и медицинска нега на заболените.

Министерот за здравство д-р Венко Филипче во своето обраќање нагласи дека иако медицинскиот кадар целосно се посвети на борбата со пандемијата во континуитет се вршеа сите итни прегледи и интервенции, а лекови и терапија обезбедуваме во континуитет за сите пациенти.

„Секој ден не ни беше борба само со корона, туку и организација на здравствениот систем, секојдневни контакти со колегите, консултации за пациенти, долги состаноци за координација, тешки одлуки и лични судбини кои секогаш допираат.. И потоа повторно нов ден пред нас…“, рече Филипче во своето обраќање.

Тој додаде дека сите здравствени работници покажаа високо ниво на професионалност, сплотеност и колегијалност и во ниту еден момент не потклекнаа под притисокот.

Бесплатно преземање е дозволено со задолжително цитирање на медиумот и хиперлинк до оригиналната содржина на tvnova12.mk.

Напишете коментар

Вашата адреса за е-пошта нема да биде објавена.