ТВ НОВА 12

Вести во Гевгелија и пошироко

НА 22 ДЕКЕМВРИ, ДВАЕСЕТТА ПО РЕД КРВОДАРИТЕЛСКА АКЦИЈА НА „АПОЛОНИЈА ФОНДАЦИЈАТА“

Фондацијата „Аполонија“- Гевгелија во соработка со Службата за трансфузиона медицина при ЈЗУ Општа Болница – Гевгелија и со Општинската органзација на Црвениот крстГевгелија, во просториите на хотелот „Аполонија“, на 22 декември, 2021 година, ќе го организираат традиционалниот „Дваесетти по ред Аполонија – ден на крводарување“.
Сите оние кои сакаат да ја даруваат оваа течност која живот значи, тоа ќе може да го сторат во просториите на хотелот „Аполонија“, во периодот од 09:00 до 14:00 часот, потврдувајќи ја својата хуманост на 077 750 120 или со пријавување на рецепцијата на хотел „Аполонија“. За хуманите крводарители следуваат симболични подароци од организаторите.
– Во рамките на своите определби за постојано поддржување и помагање на активности што се дел од целокупното живеење на нашата локална, а и поширока заедница, фондацијата „Аполонија“ се вклучи и во остварувањето на едно од најблагородните човекови дејствувања – крводарителството. Секоја следна акција ни е сè помасовно поддржана, што ни дава право да останеме при определбата Гевгелија да биде хуман град, истакна директорот на фондацијата „Аполонија“, Аце Ристовски.
Акцијата „Аполонија- Ден на крводарување“ се организира двапати во годината, а првиот Аполонија – ден на крводарување беше организиран на 19 октомври, 2010 година. Годинава, 19 крводарителска акција беше одржана на 27 април, на која беа собрани 28 единици крв.
 
 
 
 
 
 
 
 

Бесплатно преземање е дозволено со задолжително цитирање на медиумот и хиперлинк до оригиналната содржина на tvnova12.mk.

За сите споделени фотографии (графики), ТВ Нова 12 има екслузивно право да ги користи или истите се превземени од социјалните медиуми, запазувајки го кодексот на "фер употреба" - корисни за општеството (ТВ НОВА 12 има за цел да информира и известува и употребата на фотографиите (графиките) е исклучливо за некомерцијални цели).
Доколку, материјата на фотографиите (графиките): навредува, нарушува углед, или негативно отсликува состојба, или не е запазено авторското право Ве молиме контактирајте не, за да соодветно реагираме!

Напишете коментар

Вашата адреса за е-пошта нема да биде објавена. Задолжителните полиња се означени со *