НОВА НАГРАДА ВО ЗАГРЕБ ЗА МАКЕДОНСКИОТ КРАТКОМЕТРАЖЕН ФИЛМ „СЕВЕРЕН ПОЛ’ НА МАРИЈА АПЧЕВСКА

WEB Телевизија во живо

Во саботата, на 20 ноември, во Галеријата на Студентскиот центар беа доделени наградите за најдобрите кратки и долгометражни филмови на овогодинешниот филмски фестивал во Загреб и победничките филмови на 6. КиноКино фестивал.
За најдобар филм од меѓународната краткометражна програма и националната програма Коцкице одлучија режисерката Сара Гргуриќ, минатогодишниот победник на Коцкица (Во шумата), словенечкиот режисер Рок Бичек (класен непријател – ЗФФ 2014) и Иван Бакрач, режисер и селектор на Филмски фестивал во Херцег Нови.
„Златната количка“ за најдобар филм во меѓународната конкуренција за краткометражен филм ја зеде македонско-рускиот филм „Северен пол“ на Марија Апчевска.
Минималистички, прецизен и вешто режиран, овој филм е искрен приказ на еден деликатен период од животот со кој сите можеме да се поистоветиме и преку кој разбираме дека не треба да брзаме да пораснеме во време кога нашата младост е најневина, заклучи жирито.
„Северен Пол“ е интимен портрет на главниот лик Марго, која се обидува да пронајде каде припаѓа, да го најде своето место. Мала но универзална приказна за тоа колку се важни различностите, колку е важен непокорот и останувањето свој, која од досегашното искуство, успешно комуницира и допира до многу различни луѓе од целиот свет.
Продуцент е Роберт Насков, продукција „К“ино Око, ко-продуцент Милош Љубомировиќ, директор на фотографија Владимир Самоиловски, сценограф Кирил Спасески, монтажер Драган Вон Петровиќ, дизајн на звук Игор Поповски и Бојан Паликуча, шминка Горан Игњатовски, костим Билјана Гргур, кастинг директор Киријана А. Николоска. И секако целата останата екипа, врвни професионалци и драги колеги и пријатели. Во главните улоги се Антонија Белазелкоска и Лука Митев.
 
 
 
 
 
 
 
 
 

Бесплатно преземање е дозволено со задолжително цитирање на медиумот и хиперлинк до оригиналната содржина на tvnova12.mk.

За сите споделени фотографии (графики), ТВ Нова 12 има екслузивно право да ги користи или истите се превземени од социјалните медиуми, запазувајки го кодексот на "фер употреба" - корисни за општеството (ТВ НОВА 12 има за цел да информира и известува и употребата на фотографиите (графиките) е исклучливо за некомерцијални цели).
Доколку, материјата на фотографиите (графиките): навредува, нарушува углед, или негативно отсликува состојба, или не е запазено авторското право Ве молиме контактирајте не, за да соодветно реагираме!

Напишете коментар

Вашата адреса за е-пошта нема да биде објавена. Задолжителните полиња се означени со *