НА КОГО ВО СТРУГА МУ СМЕТА БИСТАТА НА АНТЕ ПОПОВСКИ, ТА ЈА ФРЛИЛ В ЕЗЕРО?
Стиснете ги тревките
неа ќe ја исцедите.
Наслоните се врз каменот
името ќe ѝ го чуете.
Симнете се во рекине
дното со неа ќe ве почести.
Легните да починете
и ноќта со неа ќe ве покрие( од песната Македонија)
Непознати сторители ја откорнале бистата на еден од најпознатите македонски поети, Анте Поповски, која е поставена во центарот на Струга, а потоа ја фрлиле во езерото.
Најверојатно чинот се случил синоќа, а утринава случајни минувачи ја забележале откорнатата биста на дното на езерото. Глетката ја пријавиле кај надлежните од фестивалот „Струшките вечери на поезијата“ кои се главни иницијатори за поставувањето на овој и на уште дестина други споменици во чест на поетите во Струга. За настанот е известена и полицијата.
Истовремено, бистата на писателот Славко Јаневски е оштетена и свртена наопаку на постаментот.
Информацијата ја потврди портпаролот на СВР Охрид Стефан Димоски посочувајќи дека полициски службеници извршиле увид и се работи на расчистување на случајот.
Бесплатно преземање е дозволено со задолжително цитирање на медиумот и хиперлинк до оригиналната содржина на tvnova12.mk.
За сите споделени фотографии (графики), ТВ Нова 12 има екслузивно право да ги користи или истите се превземени од социјалните медиуми, запазувајки го кодексот на "фер употреба" - корисни за општеството (ТВ НОВА 12 има за цел да информира и известува и употребата на фотографиите (графиките) е исклучливо за некомерцијални цели).
Доколку, материјата на фотографиите (графиките): навредува, нарушува углед, или негативно отсликува состојба, или не е запазено авторското право Ве молиме контактирајте не, за да соодветно реагираме!
