ТВ НОВА 12

Вести во Гевгелија и пошироко

АНИТА ЈОВАНОВА:„ОБУКАТА ЗА ПРУЖАЊЕ ПСИХОЛОШКА ПОМОШ ВО ИТНИ СИТУАЦИИ ЗА МЕНЕ Е ИСКУСТВО ПОВЕЌЕ ЗА ПОЛЕСНО МЕНАЏИРАЊЕ НА СТРЕСОТ“

Во периодoт од 03 – 06 Октомври 2021, Црвениот крст на Република Македонија со поддршка на Меѓународната Федерација на друштва на Црвениот крст и Црвената полумесечина организираше тренинг за вработени и волонтери –психолози, терапевти, социјални работници, доктори по општа медицина и останати медицински лица за пружање на прва психолошка помош во итни и хуманитарни ситуации и мирнодопски услови.
Психосоцијалната поддршка која се базира на заедниците вклучува прва психолошка прва помош, групи за поддршка, воспоставување на безбедни и пријателски простори за деца, едукација за реакции и механизми на справување со загуби и стресни ситуации, подигнување на свеста во заедницата и грижа за волонтерите и вработените во кризни и мирнодопски услови.
Овие тренинзи се дел од стратегијата на Црвениот крст на РСМ за фасцилитирање и зајакнување на природната резилиентност на луѓето на индивидуално и колективно ниво, а се составен дел од моделот за психо-социјална поддршка кој Црвениот крст планира да го воспостави на сите нивоа и активности во националното друштво. Во изминатата година се спроведоа онлајн едукации од областа на ППП и ПСП, а со цел поддршка на волонтери на вакциналните пунктови.
На тренингот учествуваше и претставник од Општинската организација на Црвен крст Гевгелија, Анита Јованова. За ТВ Нова 12 таа ни изјави:
„Оваа обука за мене претставува едно прекрасно искуство, бидејќи низ креативни вежби и бура на идеи ни беа доловени кризни ситуации, во кои се разви интерактивен пристап и чувство на сплотеност со групата. Ме насочи на: Пристап за полесно менаџирање со стресот-да гледаме на стресот како “Начин на зачин во животот”, зајакнување на капацитетите за пружење Прва психолошка помош во кризни ситуации, проценувајќи кому му е најнеопходно и зголемување на вештините за Психосоцијална поддршка со цел поединците и заедницата да ги зацелат психолошките трауми и обноват социјалните структури после кризен настан. Обуката ни пружи размена на искуства со други општински организации на Црвен крст, сублимација на заеднички идеи и продолжена,продлабочена натамошна соработка.“
 
 
 
 
 
 
 

Бесплатно преземање е дозволено со задолжително цитирање на медиумот и хиперлинк до оригиналната содржина на tvnova12.mk.

За сите споделени фотографии (графики), ТВ Нова 12 има екслузивно право да ги користи или истите се превземени од социјалните медиуми, запазувајки го кодексот на "фер употреба" - корисни за општеството (ТВ НОВА 12 има за цел да информира и известува и употребата на фотографиите (графиките) е исклучливо за некомерцијални цели).
Доколку, материјата на фотографиите (графиките): навредува, нарушува углед, или негативно отсликува состојба, или не е запазено авторското право Ве молиме контактирајте не, за да соодветно реагираме!

Напишете коментар

Вашата адреса за е-пошта нема да биде објавена. Задолжителните полиња се означени со *