РОМАНТИЧЕН ПИКНИК ПОД ЅВЕЗДИТЕ ВО „ВИОЛЕТА“ ПАРК ВО ГЕВГЕЛИЈА
Домот на културата „Македонија“ организира настан за уживање. РОМАНТИЧЕН ПИКНИК под ѕвездите е настанот на кој може да присуствуваат и помладите и повозрасните гевгеличани. Едните, за миг да се навратат на својата младост и на времето кога низ парковите и ливадските предели во Гевгелија се организирале попладневни закуски со семејството и со најблиските.Другите, оние помладите, да почувствуваат со какво уживање нивните родители, нивните баби и дедовци се забавувале на ваквите дружења во природа.
Единствено што треба да понесете со себе е саканата личност и добро расположение, останатото е наша грижа, вели организаторот. Сите присутни ќе може да седат на перничиња на земја, кои ќе бидат обезбедени од страна на организаторот.
Сите присутни, кои во сабота, на 2 октомври ќе се најдат во градскиот парк „Виолета“ некаде околу 20 часот не само што ќе можат да уживаат во прекрасните ноти на пијаното и виолината во изведба на Александар и Атанас Стојанови, туку ќе може да се освежат, бидејќи кафетерија БАРИСТА ќе понуди палета од најдобрите сортни вина по најповолни цени.
Бесплатно преземање е дозволено со задолжително цитирање на медиумот и хиперлинк до оригиналната содржина на tvnova12.mk.
За сите споделени фотографии (графики), ТВ Нова 12 има екслузивно право да ги користи или истите се превземени од социјалните медиуми, запазувајки го кодексот на "фер употреба" - корисни за општеството (ТВ НОВА 12 има за цел да информира и известува и употребата на фотографиите (графиките) е исклучливо за некомерцијални цели).
Доколку, материјата на фотографиите (графиките): навредува, нарушува углед, или негативно отсликува состојба, или не е запазено авторското право Ве молиме контактирајте не, за да соодветно реагираме!
