ТВ НОВА 12

Вести во Гевгелија и пошироко

ПЕРО КОВАНЦАЛИЕВ СО ЛИРСКИ ЦРТЕЖИ ВО БОРБА ПРОТИВ ЗАЧАДЕНОТО СЕКОЈДНЕВИЕ. КАКО ШТО ЧАДОТ ОСТАВА ЦРНА ТРАГА НА БЕЛАТА ХАРТИЈА, ТАКА АЕРОЗАГАДУВАЊЕТО ОСТАВА ЦРНИЛА ВО НАШИТЕ БЕЛИ ДРОБОВИ

Во изложбениот простор на Уметничката галерија Амам – Гевгелија вчеравечер, петок, 17 септември, беше отворена самостојната изложба ,,Политичка лиричност” од ликовниот уметник Перо Кованцалиев. Изложбата е составена од цртежи на кои преовладува чадот низ различни форми и композиции. Кованцалиев, како уметник, наместо со зборови, преку цртежите испраќа моќна критика насочена кон многубројните институции кои остануваат пасивни на зачаденото секојдневие кое го живееме, благодарејќи на човековата негрижа за чистата животна средина.
Изложбата, за отворена ја прогласи Александар Каракабаков, кој напомена, меѓу другото, дека делата носат длабок филозофски поттекст, праќајќи визуелни пораки кон набљудувачот, будејќи храброст и доживување, давајќи поттик и мотивација… Неговата уметност, потенцираше тој, зрачи со хармонија, доведува и доживува лични катарзи полни со чувства и емоции.
Уметникот Кованцалиев, обраќајки се до присутните љубители на ликовната уметност , потенцираше дека низ овие дела тој посакува лириката да ја врати во уметничкото дело, а одржувањето на физичката, општествена и природна средина да се врати во рацете на надлежните институции.
Перо Кованцалиев е роден во Гевгелија а живее и работи во Скопје. Магистрирал на Катедрата за вајарство на Факултетот за ликовни уметности и активно работи како самостоен уметник. Имал повеќе самостојни изложби и учествувал на голем број групни изложби во земјава и странство.
Настанот е во организација на Н.У.Музеј – Гевгелија, поддржан од Министерство за култура на Р. Северна Македонија. Изложбата ќе биде поставена во галерискиот простор на Амамот во период од 17 Септември до 06 Октомври 2021 година
 
 
 
 
 
 
 
 
 

Бесплатно преземање е дозволено со задолжително цитирање на медиумот и хиперлинк до оригиналната содржина на tvnova12.mk.

За сите споделени фотографии (графики), ТВ Нова 12 има екслузивно право да ги користи или истите се превземени од социјалните медиуми, запазувајки го кодексот на "фер употреба" - корисни за општеството (ТВ НОВА 12 има за цел да информира и известува и употребата на фотографиите (графиките) е исклучливо за некомерцијални цели).
Доколку, материјата на фотографиите (графиките): навредува, нарушува углед, или негативно отсликува состојба, или не е запазено авторското право Ве молиме контактирајте не, за да соодветно реагираме!

Напишете коментар

Вашата адреса за е-пошта нема да биде објавена. Задолжителните полиња се означени со *