ПОЖАРОТ КАЈ ГП „БОГОРОДИЦА“ СТАВЕН ПОД КОНТРОЛА, ПРЕМИНОТ ЗАТВОРЕН, ЈАВНА БЛАГОДАРНОСТ ОД ГРАДОНАЧАЛНИКОТ ПОЦКОВ ДО СИТЕ КОИ СЕ БОРЕА СО ПЛАМЕНОТ

„Jа изразувам својата благодарност за херојството и интервенцијата на гевгелиските пожарникари, вработените од ЈПКД „Комуналец“ и Шумско стопанство- ПЕ „Кожув“- Гевгелија, вработените од хотел „Фламинго“, хотел „Принцес“, БП „Шимов“ и граничната полиција. Како и до ТППЕ и градоначалниците на Демир Капија, Неготино и Кавадарци кои веднаш излегоа во пресрет на барањето на Општинскиот кризен штаб и се придружија на сите нам во борбата со пламенот, придонесувајќи да се избегне катастрофа од поголем размер.“, изјави градоначалникот Сашо Поцков по ставањето на пожарот под контрола.

Пожарникарите од Гевгелија и вработени во ЈП „Комуналец“, градежна механизација од повеќе гевгелиски фирми, вработени од хотелот „Фламинго“, Граничната полиција, со помош од воени хеликоптери успеаја да ги скротат пламените јазици и да ги спасат од поголема опасност хотел казиното „Фламинго“, бензинската пумпа „Шимов“ како и караулата на АРМ и ГП „Богородица“.Пожарот зафати огромна површина борова шума, а поради ветрот истиот се прошири до грчка територија, зафаќајки ја и граничната караулата на АРМ, каде опожарено е едно полициско возило.

Претходно, АМСМ информираше дека поради затворањето на ГП „Богородица”, и борбата со огнената стихија, возилата се пренасочуваа на граничниот премин „Дојран